Рускиот министер за надворешни работи, Сергеј Лавров смета дека Западот на груб начин ги турка балканските земји да станат членки на НАТО, а не се осврнува на народите во овие земји.
„Западот продолжува со својата дрска политика на вовлекување на овој регион во НАТО, целсоно игнорирајќи ги луѓето во овие земји, покрај игнорирањето на лекциите од историјата или едноставната дипломатска љубезност“, рече Лавров на конференција во Москва, пренесе руската новинска агенција „ТАСС“.
Тој истовремено нагласи дека Русија веќе долго и упорно повикува на враќање на основните принципи на меѓународните односи запишани во Повелбата на ОН, односно на суверена еднаквост на земјите, немешање во внатрешните работи, воздржување од закана или употреба на сила и разрешување на немирите на мирен начин.
извор: Makfax
