Чулев за акцијата во СВР Велес: Полицијата мора да работи според закон, НИКОЈ НЕ Е НАД ЗАКОНОТ

28.02.2020
vesnik-fb-blue
vesnik-twitter-blue
Чулев за акцијата во СВР Велес: Полицијата мора да работи според закон, НИКОЈ НЕ Е НАД ЗАКОНОТ

Денес дадов одговор на новинарско прашање поврзано со вмешаност на високи полициски структури од СВР Велес во активности кои имале цел заштита на криминални структури кои биле вмешани во кражба на дрва, соопшти техничкиот министер во МВР, Наќе Чулев.

-Ја информирав јавноста за мерките и активностите кои Министерството за внатрешни работи ги презема во координација и по насоки на Основното јавно обвинителство за гонење на организиран криминал, истакна Чулев.

Се подготвува пријава за несовесно работење за петмина високи службеници во СВР Велес

Одделот за внатрешна контрола, криминалистичка полиција и полициски стандарди во соработка со ОЈО за гонење на организиран криминал и корупција-одделение за полициски службеници подготвуваат пријава за несовесно работење на пет високи раководни службеници во СВР Велес, информираше министерот за внатрешни работи Наќе Чулев при денешната посета на СВР Велес.

Чулев појасни дека се работи за случај за постапување по пријава на полициски службеници во село Горно Врановци, во Општина Чашка, при кривично дело кражба при нелегална сеча на дрва.

– По доаѓањето на местото на извршување на кривичното дело,полициските службеници ги пуштаат извршителите, ги растовараат дрвата иизвршителите заедно со средствата за извршување на кривичното дело-тракторот си заминуваат, информира Чулев.

Според него, при тоа е направена фото-докуметација и има фото албум од настанот. Како што прецизира Чулев, полициските службеници делото го пријавиле како пронајдени предмети, а дополнителна грешка е што тие не постапиле согласно Законот за кривична постапка односно не го информирале ОЈО за понатамошно постапување.

Воедно, подвлече Чулев, овие полициски службеници по отворање на истрагата од страна на Одделот за внатрешна контрола давале неточни изјави во ОЈО. Тој информира дека во текот на денот се комплетира документацијата за ова дело и во целост се работи во насоки и инструкции од страна на надлежниот јавен обвинител, по што ќе се поднесе соодветна кривична пријава во ОЈО за гонење на организиран криминал и корупција до Одделението за полициски службеници, а против наведените лица ќе се иницира соодветна дисциплинска постапка.

© vesnik.com, правата за текстот се на редакцијата