Хрватот кај кого е потврден коронавирус во петокот бил на работа, се огласија и од компанијата

25.02.2020
vesnik-fb-blue
vesnik-twitter-blue
Хрватот кај кого е потврден коронавирус во петокот бил на работа, се огласија и од компанијата

Првиот Хрват кај којшто беше потврдена инфекција со коронавирус, е вработен во технолошка компанија „Ериксон Никола Тесла“ и бил на работа во петокот, пишува порталот „Индекс“.

Во Милано тој бил на фудбалски натпревар на Лига на шампионите помеѓу Аталанта и Валенсија. Девојката со која бил во Милано сè уште не е тестирана за вирусот.

Двајцата во Милано престојувале од 19 до 21 февруари.

По враќањето, тој бил на работа во петокот и чувствувал одредени симптоми, но ги препишал на настинка или грип.

„Вработениот во петокот беше на работното место во Загреб. Според нашите информации во неделата тој бил примен во болница, а дополнително е утврдено присуството на коронавирусот“, велат од компанијата.

Додаваат дека покренале постапка за делување предвидено во кризни ситуации и се во директен контакт со службите.

Девојката и сите други со кои бил во контакт ќе бидат тестирани.

Првиот коронавирус во Хрватска беше утврден денеска.

извор: Makfax

© vesnik.com, правата за текстот се на редакцијата