Илија Ивиќ е првиот Србин кој ќе настапи за фудбалската репрезентација на Косово.

Станува збор за играч кој има 17 години и игра за Фљамуртари, а откако го потпиша првиот професионален договор, од Косово го препознаа неговиот квалитет, му испратија повик за настап во селекцијата до 19 години.

Ивиќ првиот пат ги одбил, но меѓувреме го променил мислењето.

„Да, дел од мене се кае, но во овој момент за мојата кариера е многу важно да бидам репрезентативец“, изјави Ивиќ.

Младиот фудбалер беше свесен дека во јавноста ќе наиде на бројни критики и реакции, но во ниту еден момент не помисли дека оваа негова одлука ќе се одрази врз животот на семејството. Најновите информации велат дека неговите родители останле без работа.

Оваа вест ја потврди и самиот фудбалер.