Откако гласаа се што Зоран Заев побара од нив, довчерашните политички противници за СДСМ станаа херои. Прво пратеникот Крсто Мукоски си доби аплауз од пратениците на СДСМ, а денес и пратеничката Нола Исмајлоска Старова доби огромна поддршка и аплауз за нејзиниот настап на собраниската говорница во кој се обиде за изманипулира со името на армијата, напаѓајќи ги довчерашните сопартијци од ВМРО-ДПМНЕ.
Имено, пратеничката Нола Исмајлоска се обиде да изманипулира дека со Законот за одбрана не се менува името на Армијата, туку дека тој веќе е променет со Законот за служба во Армијата и дека пратениците на ВМРО-ДПМНЕ веќе гласале за него.
Сепак, реалноста е дека не станува збор за закон со кој се менува името на Армијата на Република Македонија, туку се работи за закон кој го уредува системот на функционирање на одбраната и на Армијата и претставува посебен закон (lex specialis) во кој не се уредува називот на армијата
Додека пак Законот за одбрана кој е систематски и основен закон може да го промени името. Односно, името на Армијата се уредува во овој закон, во членот 1 став 2 каде што се вели дека „Одбраната на Републиката ја остваруваат граѓаните, органите на државната власт и вооружените сили како Армија на Република Македонија“ и оттаму нашата армија го црпи називот, а не од ниту еден друг закон.
Сепак се за аплауз, па така Нола Исмајлоска ги доби своите 5 минути слава кај пратениците на СДСМ.