Каролин Флек, поранешната водителка на британското риалити шоу „Лав Ајланд“, е пронајдена мртва во нејзиниот стан во Лондон. Таа имаше 40 години.
Веста за смртта ја потврди нејзиното семејство, а Би-би-си пишува дека водителката си го одзела животот.
„Можеме да потврдиме дека нашата Каролин почина денеска на 15 февруари. Ве молиме за приватност во овие тешки моменти и ги молиме медиумите да не се обидуваат да не контактираат или фотографираат“ стои во соопштението од нејзиното семејство.
Каролин ја водеше и британската верзија на шоуто „Икс Фактор“. Местото водителка на „Лав Ајланд“ го загуби откако беше уапсена зошто физички го нападнала својот 13 години помлад дечко, Луис Бартон, поради порака која ја нашла во неговиот мобилен. За неколку недели требала да се појави на суд поради инцидентот.
I’m trying to find the words but I can’t 💔 pic.twitter.com/FY3ppLzqsA
— Laura Whitmore (@thewhitmore) February 15, 2020
I am very sad to hear that Caroline Flack is dead. I had been in touch with her recently and had hoped she was doing better. She was talented and smart and likeable and she will he missed. It’s awful.
— Jonathan Ross (@wossy) February 15, 2020
На социјалните мрежи, од водителката се опростуваат колеги и пријатели.
извор: Makfax