Премиерот Оливер Спасовски веќе испратил барање до опозициската ВМРО-ДПМНЕ да назначи нов министер за труд и социјална политика по разрешувањето на Рашела Мизрахи. Владата вечерва во 21 часот ја одржува деветата седница.
Согласно член 44 став три од Закон за Влада потребно е да предложите кандидат за министер, кој ќе раководи со Министерството за труд и социјална политика во Владата на Република Северна Македонија“, се наведува во барањето на Спасовски до ВМРО-ДПМНЕ.
Собранието рано утрово со 62 гласа „за“ ја разреши Рашела Мизрахи од позицијата техничка министерка за труд и социјална политика. Разрешувањето беше по барање на Спасовски откако Мизрахи неколкупати се појави на прес-конференција во МТСП пред табла со името „Република Македонија“.
Премиерот на седницата за разрешувањето на Мизрахи рече дека несериозно е некој да си поигрува со Уставот – кога некому му одговара, да го почитува, а кога треба да добие партиски интерес да го погазува.
Мизрахи, пак рече дека нарушените меѓучовечки односи, непостоење на вредности, распаднат систем, криење проблеми, очајни граѓани, исплашени вработени во МТСП, се проблемите на Министерството за труд и социјална политика, а не таблата.
