Откако пратеникот на ДУИ, Џеват Адеми рече дека гледал како позитивно изненадување кога ВМРО-ДПМНЕ ја предложиле Рашела Мизрахи за техничка министерка, но и дека „мажите од ВМРО-ДПМНЕ се кријат, додека жена го брани името“, пратеникот Илија Димовски од опозициската партија се јави за контрареплика.
Седницата за разрешување на техничката министерка продолжува и по полноќ, односно, како што најави собранискиот спикер, Талат Џафери, додека не се поминат точките на дневен ред на седниците за Законот за Јавно обвинителство и Законот за Советот на јавни обвинители, како и седницата која е во тек, а на која меѓу другото, се разгледува и нејзиното разрешување.
