Американската армија соопшти дека ја истражува несреќата на пад на авион во Авганистан, во област што ја контролираат талибанците, пренесе АП.
Портпаролката, Бет Риордан, изјави дека е нејасно чиј авион учествувал во несреќата.
Сепак, снимките кои се појавија на социјалните мрежи и наводно потекнуваат од местото на несреќата, прикажуваат остатоци од авион „Бомбардиер Е-11А“ што го користи американската војска за електронски надзор над Авганистан.
ویډيؤ#غزني دهیک ولسوالۍ کي لویدلي الوتکه د امریکاي کمانډویانو ده د پیلوټانو په شمول له پنځو تر شپږو تنو وژل شوي د یوه امریکايي عسکر کارټ هم مجاهدینو ته په لاس ور غلي نور وروسته pic.twitter.com/2Wm9pImtBi
— Tariq Ghazniwal (@TGhazniwal) January 27, 2020
#Taliban: Enemy intelligence aircraft crashed in Sado Khelo area of Deh Yak district #Ghazni noon hours today resulting in all crew & high-ranking CIA members killed.
Wreckage & dead bodies laying at crash site. #Afghanistan @AFP @AP @AJEnglish pic.twitter.com/oHBuHVHNKn— Tariq Ghazniwal (@TGhazniwal) January 27, 2020
Локалните авганистански власти претходно соопштија дека станува збор за авионска несреќа на националниот авиопревозник „Аријана ерлајнс“ чиј авион се урнал на подрачјето на талибанците. Сепак, во објавата на „Фејсбук“ од „Аријана ерлајнс“ објавија дека ниеден од нивните авиони не се урнал.
Во врска со овој случај кружат бројни противречни информации, така што сè уште не се знае бројот на жртвите и причината за несреќата.
Локалните власти известија дека авионот се урнал околу 13:10 часот по локално време во областа Дех Јак, на околу 130 километри југозападно од главниот град Кабул.
Портпаролот на гувернерот Ариф Нури рече дека местото на несреќата е на територија под контрола на талибанците, а веста ја потврдија и двајца членови на покраинскиот совет.
извор: Makfax