Тејлор Свифт поретко ќе се појавува на сцената, сака да поминува повеќе време со својата болна мајка

25.01.2020
vesnik-fb-blue
vesnik-twitter-blue
Тејлор Свифт поретко ќе се појавува на сцената, сака да поминува повеќе време со својата болна мајка

Пејачката Тејлор Свифт (30) призна дека мајка ѝ Андреа се соочува со тешка дијагноза, пишува „Пипл“. Во интервју за „Варајети“, Тејлор рече дека мајка ѝ има тумор на мозокот и почнала да се лекува.

„Секој ја сака својата мајка, мајката е важна за сите. За мене, таа е извор на сила. Очигледно тогаш голема работа е воопшто да се зборува за нејзината болест. Таа оди на хемотерапија и тоа е доволно тешко за една личност. Вторпат ѝ се појавува тумор на мозокот. Ова е навистина тешко време за целото семејство“, рече Тејлор.

Поради болеста на мајка ѝ, Свифт има кус распоред на турнеи оваа година по објавувањето на новиот албум Lover. Таа објасни дека поради сегашната состојба, сака да помине што е можно помалку време на пат.

„Не знам што ќе се случи. Не знаеме кој третман да се избере. Ракот на мајка ми е вистински проблем. Порано бев толку загрижена за секојдневните подеми и падови. Сега сите мои грижи, стрес и молитви ги насочувам само на вистинските проблеми“, заклучи Тејлор.

извор: Makfax

© vesnik.com, правата за текстот се на редакцијата