Трагично можела да заврши расправија помеѓу две лица во нишкото село Горна Тополница која од вербална прераснала во физичка.
Имено двајцата започнале вербално да се расправаат пред поштата во селото, а потоа едниот од нив земал секира и со неа го нападнал својот соселанец.
Од полицијата во Ниш известуваат дека еден маж (71) е полесно повреден од секира во тепачка пред поштата во село Горна Тополница кај Ниш, едното лице е повредено, а се уште се трага по другиот инволвиран во инцидентот.
Повредениот бил веднаш хоспитализиран, а за настанот известено е и Основното јавно обвинителство.
Мотивот за расправијата на двајцата соселани се уште е непознат.