Дваесет и едно возило во сопственост на трагично починатиот актер Пол Вокер, најпознат по улогата во популарната филмска франшиза „Брзи и бесни“, се продадени за 2,33 милиона долари на годишна аукција за автомобили во Аризона.
Колекцијата на Вокер се состоела од 18 автомобили и три мотоцикли од разни периоди на автомобилизмот, а на еднонеделната аукција на познатата аукциска куќа „Барет-Џексон“, што се одржа во Скотсдејл, највисока цена од 385.000 долари постигнал автомобилот BMW M3 Lightweight во 1995 година.
Целиот приход од продажбата на возилата оди во фондацијата со која управува 20-годишната ќерка на Вокер, Медоус.
Пол Вокер загина на 30 ноември 2013 година во сообраќајна несреќа враќајќи се од добротворната вечера во која учествувал.
извор: Makfax