Најстариот трговски центар во Данска отстрани восочна фигура на Мајкл Џексон од страв дека истата би можела да биде навредлива за купувачите или да биде оштетена поради обвиненијата дека кралот на поп музиката, во текот на својот живот злоставувал малолетни момчиња.

Шарлотe Андерсен, маркетинг директорка на трговскиот центар Редовре, сместен во предградие на Копенхаген, за данската телевизја ТВ2 изјавила дека добиле околу петнаесет поплаки за фигурата на Џексон, главно од семејствата со помали деца.

Центарот најави организација на изложба на восочни фигури од најголемите ѕвезди од шоу-бизнисот, меѓу кои и Мерилин Монро и Џулија Робертс. Изложбата треба да трае за време на зимскиот училишен распуст во Данска, кој започна вчера.

Фигурата на Џексон била заменета со восочна фигура на актерот Бред Пит.

Трговскиот центар кој се протега на површина од 75.500 квадратни метри е првиот центар отворен во Данска во 1966 година.

извор: Makfax

0

loading...
loading...

Најчитани вести