Звездан Терзиќ, генералниот директор на Црвена Звезда, откри дека изградбата на новиот стадион на клубот во Белград ќе започне за две години. Терзиќ им се обрати на луѓето во клубот, играчите, клупските пријатели, како и на новинарите на специјалната гала вечера организирана денеска.
„Формиравме работна група затоа што сакаме да изградиме наш стадион. Ни требаат две години да подготвиме сè. Сметаме дека новиот стадион ќе биде нова движечка сила и очекувам изградбата да започне за две години. Капацитетот ќе биде околу 42.000 гледачи и ќе чини 200 милиони евра“ , рекол Терзиќ на традиционалната вечера на „црвено-белите“.
