Видео клип објавен на Јутјуб, кој веќе е прегледан повеќе од 450.000 пати од објавувањето на 30 јули годинава, покажува дека реката Тамиш во Панчево на дното покрај ѓубре има и оружје.
Риболовци со магнет од реката извадија стар пиштол, дел од стара пушка или митралез, придушувач и шаржери со куршуми.
Во купиштата отпадоци имало и катанци, делови од мостот Тамиш, ножеви, куки, ѕидарски алати, како и вибратор.
Добро е познато дека во Србија нема доволно нега на животната средина, а примерот на реката Тамиш во Панчево покажува што се крие на дното на една река.
На снимката може да се види дека овој „рибар“ добил посета и од полицијата, а како што е наведено, му ги одзеле делови од оружјето што било пронајдено.
