Пожарот на рускиот носач на авиони „Адмирал Кузњецов“ е локализиран, а утврдено е дека причина за огнот е изведување заварувачки работи во првата единица за напојување, соопшти шефот на Обединетата бродоградна корпорација, Алексеј Рахманов.
„Во тој момент се изведуваа работи за замена на единиците за напојување, но искра паднала на подот, каде имало истурено гориво, по што дошло до пожар“, појаснил Рахманов.
Во инцидентот се повредени 10 лица, од кои шест се во критична здравствена состојба, а само едно е со полесни повреди.
извор: Makfax
