Повеќе од 200 уапсени во светска операција против перење пари

4.12.2019
vesnik-fb-blue
vesnik-twitter-blue
Повеќе од 200 уапсени во светска операција против перење пари

Полициите од околу триесет држави во координирана акција фатиле 228 лица и идентификувале илјадници заговорници како дел од масовна операција против перење пари.

Во операцијата од септември до ноември спроведени се повеќе од 1.000 криминалистички истраги, од кои голем дел и натаму се во тек, се вели во соопштение на „Европол“.

„Повеќе од 650 банки, 17 банкарски здруженија и други финансиски институции помогнале да се пријават 7.520 измамнички трансакции спроведени од заговорниците. Со ова е спречена вкупна загуба од 12,9 милиони евра“, тври „Европол“.

Покрај европската полициска канцеларија, операцијата ја поддржале и „Евроџаст“ (европскиот сојуз за судска соработка) и Европската банкарска федерација (FBE). Во нејзини рамки биле идентификувани 3.833 заговорници и 386 лица кои биле задолжени за книжење, од кои 228 се уапсени.

Заговорниците (познати и како „мулиња“) честопати и несакајќи учествуваат во перењето пари со примање и трансфер на пари на незаконски стекнати пари, објаснуваат од „Европол“.

Лицата што заработуваат пари од овие „мулиња“ се особено активни на социјалните мрежи каде ги убедуваат своите жртви да отворат банкарски сметки под изговор дека преку нив ќе испраќаат или примаат пари, соопшти „Европол“.

Операцијата била спроведена во 31 земја, вклучително и Германија, Белгија, Шпанија, Швајцарија, Велика Британија, САД и Австралија.

извор: Makfax

© vesnik.com, правата за текстот се на редакцијата