Првата дама на Америка, Меланија Трамп, во специјално видео откри како го замислила годинашното украсување на Белата куќа. Нејзината ланска декорација, која се засноваше на црвени новогодишни елки, доби многу критики и многумина оценија дека се без вкус и претерана. За годинашната декорација, таа одбра патриотска тема и сакаше да му покаже на светот како изгледа „Духот на Америка“.
“The Spirit of America” is shining in the @WhiteHouse! I am delighted to share this beautiful exhibit of patriotism for all to see, and excited for everyone to experience the beauty of the #Christmas season! pic.twitter.com/qGxxl9qBrd
— Melania Trump (@FLOTUS) December 2, 2019
За Меланија, американскиот дух во божикно руво го доловуваат бели украси со мотив на sвезди и линии, претставени на американското знаме. Просторот е украсен и со преголем адвентски календар во мотив на Белата куќа, бели цвеќиња и вештачки снег.
Уште во јули госпоѓа Трамп откри на „Твитер“ дека започнала со плановите за божикно украсување на Белата куќа, а минатата недела ја дочека големата елка од Пенсилванија, која зазема централна позиција во Сината соба.
Првата дама не беше сама во украсувањето на куќата, туку ѝ помогнаа низа волонтери чии фотографии со задоволство ги објави на својот официјален профил на Инстаграм. Меланија е исклучително горда на годинaшното издание на куќата, а во официјалниот пост на Твитер, таа со видеото напиша: „Духот на Америка блеска во Белата куќа! Задоволна сум што можам да го споделам овој прекрасна експонат на патриотизам за сите да го видат и воодушевена сум што секој ќе може да ја доживее убавината на Божик“.
извор: Makfax
