Седмиот меѓународен детски фестивал на театар на сенки „Сонот на облачето“ ќе се одржи во периодот од 25-27 ноември во просториите на Младинскиот културен центар (сцена Фросина), во организација на театарот „Сенки и облаци”.
Во програмата на годинешното издание се најавени претстави од Шпанија, Бразил и Македонија, анимација од Германија, работилници, инсталации и неколку изненадувања, информираат организаторите. Детали за програмата се објавени на фејсбук-настанот на фестивалот.
Билетите се во продажба на билетарницата на МКЦ по цена од 150 денари, како и онлајн на следнов линк.
извор: Makfax