Министрите за финансии на земјите од ЕУ се договориле да ги тргнат Швајцарија и Обединетите Арапски Емирати (ОАЕ) од листата на земји што важат за „даночен рај“.
Како што се наведува во извештајот за донесените заклучоци, големиот економски партнер, Швајцарија, е тргнат од листата држави што се сметаат за заштитнички на сомнителен капитал, коишто претходно имаат земено обврска дека ќе ги променат своите даночни правила за да ги доведат во согласност со стандардите на ЕУ. Швајцарија тоа го направила и затоа е тргната од листата, се наведува во извештајот.
Од своја страна, ОАЕ е тргнат од листата на која се наоѓаат земји коишто не соработуваат со Европа кога станува збор за даночнитепрашања.
Од црните листи се избришани и Маршалските острови, а на нив остануваат уште девет држави, главно мали тихоокеански острови со мали финансиски односи со ЕУ.
