ПРОШТАЛНО ИНТЕРВЈУ НА АМЕРИКАНСКИОТ АМБАСАДОР: Нашата порака е јасна – САД сакаат Косово да ги укине таксите за Србија

15.09.2019
vesnik-fb-blue
vesnik-twitter-blue
ПРОШТАЛНО ИНТЕРВЈУ НА АМЕРИКАНСКИОТ АМБАСАДОР: Нашата порака е јасна – САД сакаат Косово да ги укине таксите за Србија

Нашата порака е јасна – САД сакаат Косово да ги укине таксите за дијалогот со Белград да може повторно да се придвижи, изјави американскиот амбасадор во Белград, Кајл Скот во интревју за денешен српски Курир.

Коментирајќи ги медиумските написи за тоа дека е невозможно светските сили, како САД на пример, да не можат да најдат начин да ги присилат косовските власти да ги укинат таксите, Скот вели дека така зборуваат оние кои не можат да прифатат дека Косово е независна и суверена држава.

-Ние не можеме да го присилуваме Косово, ниту, пак, Србија, рече американскиот амбасадор и повтори дека сега е најбитно Приштина да добие нова влада, да се укинат таксите на стоките од Србија и БиХ и дијалогот да продолжи.

Скот додаде дека САД се тука како партнер што го поддржува процесот на нормализација на односите меѓу Белград и Приштина и ќе стори се да го охрабри и на двете страни да им овозможи да дојдат до договор.

Тоа, вели, е во интерес на народите и во Србија и на Косово, но и на целиот регион, ЕУ и САД.

© vesnik.com, правата за текстот се на редакцијата