Романска државјанка на 49-годишна возраст била уапсена на грчкиот меѓународниот аеродром „Елефтерос Венизелос“ кога во нејзиниот багаж полицијата пронашла 401 пасош и документи издадени од разни земји.
Истрагата на полицијата за организиран криминал и трговија со луѓе покажала дека повеќето од документите биле пријавени како украдени или изгубени. Жената е обвинета за илегално поседување туѓи патни документи и за шверцување. Таа треба да се појави пред јавен обвинител во Атина.
извор: Makfax
