Sony Xperia 1 почнува да добива нова софтверска надградба, која не е голема, но би можела да биде битна, бидејќи донесува подобрување на квалитетот на сликата и зумирањето за камерата на телефонот.
Ажурирањето имплементира интерфејс за камерата кој повеќе е оптимизиран и кој овозможува севкупно постабилно искуство на фотографирање. Сите овие подобрувања веќе некое време се очекуваат за камерата на Xperia 1, на која и беа потребни подобрувања на стабилноста и перформансите.
Покрај ова, Bluetooth конекцијата за слушалките би требало да биде постабилна. На крајот, телефонот добива и најнови сигурносни закрпи, за септември 2019.
Ажурирањето за Sony Xperia 1 ја носи ознаката build 55.0.A.6.56, а на корисниците ќе им пристигнува во фази во текот на следните неколку дена.
извор: USB.mk
