Компанијата „Гугл“ соопшти дека поддржува одговорно политичко огласување во рамки на локалните закони на секоја земја.
Соопштението е објавено откако Москва го обвини „Гугл“ дека дозволил политички реклами за време на регионалните избори во Русија кои се одржаа вчера и покрај барањето спорното огласување да биде забрането.
„Гугл“ одби да разјасни дали е дистрибуирано такво огласување.
Компанијата „Фејсбук“, како одговор на истите обвинувања од Москва, соопшти дека токму локалните огласувачи, а не компанијата, се одговорни за почитување на изборниот закон.
Државната агенција за комуникации и медиуми „Роскомнадзор“ вчера соопшти дека „Гугл“ и „Фејсбук“ објавиле политички реклами за време на изборите.
извор: Makfax
