Владата во Тунис постигна договор со моќниот синдикат УГТТ за зголемување на платите на 670,000 јавни службеници, три извори блиски до преговарачкиот процес изјавија за Ројтерс.
Договорот е постигнат по повеќемесечни тензии помеѓу владата и синдикатот. Минатиот месец, железничкиот, патниот и воздушниот сообраќај во Тунис беше запрен и уличните протести привлекоа илјадници луѓе на големиот штрајк организиран од страна на УГТТ.
извор: Makfax
