Властите на Чеченија ја претставија новата џамија на церемонија на која присуствуваа бројни високи гости. Наречена по пророкот Мухамед, џамијата може да прими 30.000 луѓе, а чеченските власти ја опишаа како „најголема и најубава“ во Европа.
Europe's largest #mosque unveiled in Russia's #Chechnya pic.twitter.com/EI7xR87eDN
— Press TV (@PressTV) August 23, 2019
Џамијата е обложена со бел грчки мермер однадвор и одвнатре, а украсена е со чисто злато. Големиот лустер во форма на лотос е украсен со сваровски кристали.
Локалните власти исто така соопштија дека во дворот на џамијата може да собере дополнителни 70.000 верници.
Градбата на џамијата траела седум години , а свечено ја отвори претседателот на Чеченија, Рамзан Кадиров. Чеченскиот лидер Рамзан Кадиров рече дека џамијата, која се наоѓа во градот Шали, е „со уникатен дизајн, фасцинантна по големина и убавина“.
Кадиров на отворањето ги замоли граѓаните во негова чест, кога ќе почине, да изградат мала џамија.
извор: Makfax