Грчката полиција го пронајде телото на мигрантот од Ирак кој го прегази воз близу турската граница.
Полицијата соопшти дека мигрантот најверојатно заспал на шините. Другиот мигрант од Ирак, кој успеа да избега и да спаси на време, изјави во полицијата дека човекот кој загинал спиел на шините.
Сето тоа се случило вчера, во близина на селото Апалос, недалеку од Александрополис, на североистокот на земјата, пренесува АП.
Преживеаниот мигрант ѝ рекол на полицијата дека двајцата влегле во Грција преку копнената граница со Турција.
извор: Makfax