Театар Комедија снима документарец за актерката Анче Џамбазова

15.08.2019
vesnik-fb-blue
vesnik-twitter-blue
Театар Комедија снима документарец за актерката Анче Џамбазова

Националната установа „Театар комедија“ почна да снима документарен филм за големата актерка на македонската сцена Анче Џамбазова.

Од театарот велат дека овој филм ќе биде под режисерската палка на Миле Гроздановски, а сценариото го изработил Гоце Трајковски.

Во филмот ќе бидат прикажани разни аспекти од животот и кариерата на актерката Џамбазова, а премиерата на документарецот ќе биде во рамките на Фестивалот „Гола месечина“, односно на последната вечер од фестивалот (9 септември).

Овој фестивал се одржува под покровителство на Општина Аеродром и градоначалникот Златко Марин, а ќе се одржи од 2 до 9 септември годинава.

извор: Makfax

© vesnik.com, правата за текстот се на редакцијата