Еден човек е уапсен од жандармите во Париз откако се качил на ѕидот на зградата на Националното собрание и го отстранил тробојното знаме, пишува „Ле Паризиен“.
Според весникот, жандармите од Републиканската гарда забележале на камерите од обезбедувањето човек додека се качувал на ѕидот на Националното собрание за да го отстрани знамето. Кога крадецот слегол, бил уапсен и му било одземено знамето.
Крадецот бил 23-годишно пијано момче од 15. арондисмен во југозападниот дел на Париз и ѝ бил познат на полицијата како повеќекратен престапник.
извор: Makfax