Почна реконструкцијата на булеварот Кочо Рацин во Скопје

22.07.2019
vesnik-fb-blue
vesnik-twitter-blue
Почна реконструкцијата на булеварот Кочо Рацин во Скопје

Екипите на Град Скопје денеска ја почнаа реконструкцијата на коловозот на булеварот Кочо Рацин, еден од најфреквентните булевари во централното градско подрачје. На оваа сообраќајница ќе се отстрани постојниот оштетен асфалт и ќе се постави нов асфалтен слој на должина од 880 метри, на потегот од булеварот Кузман Јосифовски Питу до улицата Свети Кирил и Методиј.

Реконструкцијата на булеварот Кочо Рацин ќе се одвива во наредните 40-ина дена. Додека траат градежните работи, на булеварот ќе се воведе привремен режим на сообраќај.

Градоначалникот на Град Скопје, Петре Шилегов, апелираше граѓаните на дневна основа да ги следат информациите на Град Скопје за воведување привремен сообраќаен режим на градските сообраќајници и за можните застои.

извор: Makfax

© vesnik.com, правата за текстот се на редакцијата