Иранските власти соопштиле дека откриле шпионска мрежа на ЦИА агенти кои “вршеле“ по Иран, пренела полудржавна иранска агенција Фарс.
- Голема американска сајбер-шпионска мрежа со која раководи ЦИА откриена е во Иран. Неколку агенти се уапсени – соопштил официјален претставник на иранската обавештајна агенција, пренесуваат медиумите.
Агенцијата Фарс пренела дека претставникот на обавештајната служба изјавил дека се идентификувани 17 шпиони на ЦИА, и дека неколкумина од нив осудени се на с*рт.
Се очекува реакција од САД, која со Иран веќе неколку месеци е во конфликт, пред се поради повлекување на Вашингтон од иранскиот нуклеарен договор, а потоа и околу “играта“ за нападнати и запленети танкери во Персискиот залив.