Руските комичари Вован (Владимир Кузнецов) и Лексус (Алексеј Стољаров) во пресрет на претседателските избори во Украина три пати разговарале со косовскиот премиер Рамуш Харадинај, претставувајќи му се како поранешниот претседател Петро Порошенко. Наседнал по препорака на неговиот пријател Зоран Заев.
- Мојот пријател Зоран Заев ми рече дека тоа е можност за во иднина, заинтересиран сум.
Лажниот Порошенко, меѓу другото, го прашува Харадинај дали е потребна поддршката во дијалогот со Вучиќ, или за некој друг и го праша што е со размената на територии.
"Тоа нема да се случи. Јас сум против тоа и сите тие се против тоа. Нема да се случи, но секоја изјава за тоа е добредојдена. Ние требаат изјави од типот: "Нема коцкање со територии" и "Нема размена на територии и граници", бидејќи тоа е проблем. Тоа е слично на проблемот што го имате", им вели Харадинај.
Потоа на "колегата од Украина", му објасни дека треба да оди во Берлин на 29 април, а на состанокот ќе присуствуваат на Зоран Заев и другите политичари од регионот. Лажниот Порошенко му вели:
"Знам дека и Вучиќ не е независен".
"Можно", вели Рамуш Харадинај во телефонскиот разговор.
Комичарите во разговорите, во кои го имитираат Порошенко, ветуваат дека ќе го признаат Косово по изборите во Украина, во замена за поддршката на косовскиот премиер. Харадинај вети дека ќе објави на својот акаунт на Твитер за поддршка на Порошенко.
"Се надевам дека ќе биде добро и сакам да победите во недела. И ова е многу важно за државата, се молам за вас на сите избори", вели Харадинај во еден од разговорите.
"Да, и јас мислам дека по мојата победа ќе го признаеме Косово како независна држава", вели комичарот Порошенко, кој својот противкандидат Зеленски го нарекува кловн.
Харадинај истакнува дека признавањето на Косово ќе биде одличен и правилен чекор и прашува што може да стори за победата на Порошенко на изборите.
"Најдоброто што можете да направите е да ме поддржите како претседател", одговори Порошенко.
Премиерот на Косово се согласи да го стори тоа преку Твитер. Тој дури и побара од комичарите да му напишат текст што ќе го постира на Твитер.
На неговиот Твитер на 29 март објави:
"Целосно го поддржувам и му посакувам среќа на мојот пријател Петро Порошенко, претседател на Украина на претседателските избори. Евро-атлантскиот пат обезбедува мир, стабилност и просперитет".
На 30 април, Централната изборна комисија на Украина официјално го призна Владимир Зеленски за победникот на претседателските избори. Во вториот круг Зеленски беше поддржан од страна на 73,22 отсто од гласачите, додека неговиот противкандидат, тогаш актуелниот претседател Петро Порошенко 24,45 проценти.
Комичарите разговарале со Харадинај од јануари до април 2019 година.
