Од вчера патот од Драчево кај пругата до селото Лисиче е затворен и ќе остане така една недела поради асфалтирање, информира АМСМ.
Инаку, интензитетот на сообраќај на патните правци надвор од градските средини утрово е зголемен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
извор: Makfax
