Нема причина за паника поради повредата на Карим Бензема.
Ова го вели тренерот на Реал Мадрид, Карло Анчелоти по натпреварот синоќа од Ла Лига против Валенсија, каде францускиот напаѓач мораше да замине предвреме надвор од игра, поради повреда на бутот.
„Повредата на Карим не изгледа лошо. Еве што се случува кога играте натпревар на секои три дена и немате време да се опоравите“, изјави Анчелоти.
35-годишниот Бензема мораше да биде заменет по еден час игра на натпреварот, каде што забележа асистенции за двата гола на Реал Мадрид.
