Познатиот бренд Баленсијага им се обрати на своите фанови во врска со контроверзната кампања која ја објавија пред неколку дена.
Тие ја презедоа целосната одговорност за кампањата која ја згрози јавноста. Пред неколку дена Баленсијага објави серија фотографии на Инстаграм на кои се гледаат деца со секс играчки и алкохол.
Иако веднаш ги избришаа фотографиите, тие брзо станаа вирални на социјалните мрежи и брендот беше цел на негативни коментари.
Откако добија бројни критики поврзани со кампањата, тие се обратија до јавноста со соопштение во кое им се извинија на сите.
– Најостро го осудуваме насилството врз децата, никогаш не ни било намера да го вклучиме во нашата приказна. Баленсијага ја презема целосната одговорност. Чанти со плишани мечиња и колекција подароци не требаше да се поврзуваат со деца. Ова беше лош избор од наша страна, во комбинација со неуспехот да ги оцениме и потврдиме фотографиите. За тоа е одговорен само Баленсијага – стои во соопштението.
The Balenciaga ad is disgusting. Toddlers posing with BDSM sex toys and alcohol. Hiding in plain sight a Supreme Court case involving a federal child porn law… Stop sexualizing kids to sell your ugly overpriced crap. #Balenciaga pic.twitter.com/hTNJ4TD6od
— Alison H.Centofante (@AlisonHowardC) November 21, 2022
Тие напишаа и дека се води истрага за да се утврди кој точно е одговорен за целата ситуација.
За се проговори и реалити ѕвездата Ким Кардашијан (42) која веќе некое време работи со Баленсијага. И таа деновиве беше мета на негативни коментари бидејќи извесно време не се огласи за ова, но реши да го прекине молкот.
„Што се однесува до мојата иднина со Баленсијага, моментално го преиспитувам мојот однос со брендот врз основа на нивната подготвеност да ја прифатат одговорноста за нешто што никогаш не требало да се случи – и активностите што очекувам да ги преземат за да ги заштитат децата“, напиша Ким непосредно пред официјални изјави за брендот.