Бразилскиот репрезентативец Нејмар на Инстаграм објави фотографија од повредениот зглоб, која изгледа уште полошо и поотечено отколку што беше по натпреварот против Србија на кој се повреди.
Поради повредата, Нејмар ќе го нема до крајот на групната фаза на Светското првенство во Катар, а напаѓачот на ПСЖ ќе мора навреме да го залечи зглобот на десната нога за нокаут фазата по стартот на српскиот дефанзивец Никола Миленковиќ.
Сепак, судејќи по фотографијата, ситуацијата не ветува и големо прашање е како најдобриот бразилски играч ќе биде во нокаут фазата каде сите веќе го гледаат Бразил.
Neymar shows his injuried ankle on Instagram 🚨📸🇧🇷 #Qatar2022 pic.twitter.com/VemjXu3VEM
— Fabrizio Romano (@FabrizioRomano) November 26, 2022
Да потсетиме, Нејмар се повреди во 2014 година во Бразил, кога не можеше да му помогне на својот тим да ја врати долгоочекуваната титула светски првак.
Во следното коло Бразил игра против Швајцарија, додека Србија има „поправен“ натпревар против Камерун.
