Минатата година, Samsung го претстави Galaxy Note 9 на 9 август, а годинава се очекува дека следната генерација во серијата Galaxy Note ќе дебитира во текот на истиот месец. Информациите од Јужна Кореја дури укажуваат на точниот датум, имено на 10. август. Можно е да се поврзе со бројката во серијата и не е случајно дека Samsung може да го избере тој ден.
Се очекува дека два модели ќе бидат презентирани оваа година – Note 10 и Note 10 Pro. Неодамна, се појавија рендери на двата уреди, што покажува дека тие ќе имаат сличен дизајн. Исклучок е големината на екранот, батеријата и бројот на сензори во главната камера.
Рендерите го потврдија отсуството на 3,5 милиметарски приклучок и посебно копче за лансирање на Bixby.
Сликите покажуваат дека уредот ќе ја задржи познатата форма на серијата и ќе користи заоблен на двете страни Dynamic AMOLED дисплеј – се тврди дека тој ќе биде со дијагонала 6,3-инчи и резолуција 1440 x 3040 пиксели. Екранот вклучува отвор за предната камера, а рамките под и над него се релативно широки по сегашните стандарди.
Се очекува под екранот да е поставен сензор за отпечатоци. Сликите на задниот дел укажуваат стаклен грб и вертикално поставена тројна камерата во горниот лев агол, што потсетува на Huawei P30 Pro. Уредот ќе се раздели со приклучокот за слушалки и со специјалното копче за активирање на асистентот Bixby и тоа се рефлектира и во рендерите. Во долниот дел се гледаат слот за S Pen и USB-C порт. Држачот за SIM картички се наоѓа на горната страна до микрофонот и најверојатно инфраред порт.
Според информациите, димензиите на телефонот може да бидат 151 x 72 x 7.9 mm (8.3 mm на камерата). Во однос на карактеристиките се зборува дека Galaxy Note10 ќе се нуди со чипсети Snapdragon 855 и Exynos 9820, до 12GB RAM и Android 9 Pie. Има информации дека ќе се појави поголема верзија наречена Galaxy Note10 Pro. Според гласините тој ќе предложи 6.75-инчен дисплеј, тројна камера со ToF сензор, UFS 3.0 меморија и полнење при 45W. Очекувањата се овој модел да го замени хардверските копчиња со капацитивни или чувствителни на притисок зони.
извор: USB.mk
