Приштинските медиуми пишуваат дека косовската министерка за надворешни работи Доника Гервала предизвикала дипломатски скандал во Северна Македонија.
Според извештаите, на една од нејзините претходни средби со поранешниот македонски премиер Зоран Заев, таа побарала земјата да го напушти Отворениот Балкан или „ќе мора да се справи со нив“.
Соочен со оваа несекојдневна ситуација, Заев побарал од Гервала да го напушти кабинетот, пренесува Економија онлајн.
„Извинете госпоѓо, но ова викање е неподносливо во мојата канцеларија. Од учтивост не можам да ве изнесам лично, инаку не можете да зборувате на овој и на овој јазик“, рекол Заев, наведува Економија онлајн.
Веста за овој настан прв ја објави порталот Албаниан пост, но не е прецизирано кога точно се случил.
На почетокот на јануари 2022 година на функцијата премиер на Македонија беше избран Димитар Ковачевски, кој на таа функција го замени Зоран Заев, па очигледно исклучувањето на Гервала од кабинетот на македонскиот премиер се случила на крајот на минатата година.
Во написот објавен во неделата на 23 октомври во Албаниан пост, врз основа на изворите на медиумот, се врши „испитување“ на однесувањето на шефот на косовската дипломатија во однос на вработените во министерството, но и во нејзините патувања и официјални средби низ светот.
Фото: принтскрин
