Џек Хиндли и Семјуел Џонс, двајцата 17-годишни, го убиле 35-годишниот Едвард Рив во Крајстчерч, Дорсет, на 31 декември. Тинејџерите прво го навредувале човекот пред своите пријатели, а потоа осум пати го избоделе со нож. После тоа, тие се фалеле за убиството.
Хиндли и Џонс биле прогласени за виновни за убиство и секој е осуден на доживотен затвор со минимална казна од 18 години, пишува Би-Би-Си.
Рив боледувал од шизофренија и се борел самостојно да се грижи за себе. Понекогаш рекреативно користел дрога. Два дена по средбата со Хиндли и Џонс, тој ги поканил во неговата куќа да се напијат неколку пијачки заедно и да пушат марихуана.
Не знаел дека тинејџерите всушност имале намера да го понижат и навредуваат пред нивните малолетни пријателки кои ги донеле со себе.
По пристигнувањето кај него, Хиндли и Џонс го нарекле Рив изрод, го навредувале за дупките на неговите чорапи и направиле дупки во ѕидовите на неговата соба. Кога девојките си заминале, го нападнале Рив со нож.
Судијата рекол дека сведоците ги виделе тинејџерите како се ракуваат, се смеат и се гушкаат еден со друг пред возбудено да се пофалат на пријателите за убиството.
