Производните цени се зголемиле за 37,2 отсто во јули во споредба со истиот месец минатата година, по скокот од 32,7 отсто во јуни, објави денеска Дестатис. Економистите предвидуваа дека растот малку ќе забави.
Стапката на раст е највисока од 1949 година, кога почнале да се објавуваат податоците, забележува Заводот за статистика.
И во јули, мотор на растот на производните цени бил енергетскиот сектор, чии цени се удвоија поради скокот на цените на природниот гас и електричната енергија. Кога ќе се исклучат енергетските производи, производствените цени се повисоки за 14,6 отсто.
Двоцифрената стапка на раст е забележана и во секторот интермедијарни производи од 19,1 отсто, нетрајни производи за широка потрошувачка од 16,2 отсто и секторот производи за широка потрошувачка од 10,9 отсто. Производните цени на капиталните производи се зголемени за 8,3 отсто.
А месечната споредба покажува силно забрзување на растот на цените, кои во јули се зголемени за 5,3 отсто во однос на јуни кога се зголемени за 0,6 отсто.
