За цените на лежалките годинава во Црна Гора многу се зборува, а дури и премиерот на оваа земја Дритан Абазовиќ пред неколку недели изјави дека „цените на приморјето се како на Азурниот брег“.
За комплет лежалки и чадор, во најдобар случај, треба да потрошите 10 евра, но цените се движат од 20, 30, 50, па и 100 евра на некои плажи.
Сепак, изгледа дека високите цени не се пречка за уживање за многумина, а вие треба да знаете како да се снајдете во одредени ситуации.
Затоа деновиве на социјалните мрежи кружи урнебесна фотографија, наводно направена во Улцињ, на која се гледа човек кој си нашол место под лежалката на својот пријател.
Во сенка е, удобно е и меко, а и бесплатно!
Фотографијата е објавена на популарната страница на Инстаграм „Подгорички времеплов“ со интересно објаснување „Заштеда“, а собрала бројни коментари и лајкови.