18 годишно момче заврши на црната листа на холандската нискобуџетна авиокомпанија Трансавиа, откако на другите патници им испратил фотографии од авионската несреќа непосредно пред полетувањето на летот од Ротердам до Задар, јавува Croatianaviation.
Имено, на 18-годишникот не му е дозволено да лета со нивната компанија во следните пет години бидејќи само неколку минути пред да полета Б737-700 од Ротердам до Задар, тој испратил фотографии од урнати авиони на другите патници во патничката кабина преку AirDrop.
Загрижените патници веднаш за се ја известиле кабинската екипа, па полетувањето било одложено и во авионот била повикана полиција.
Портпаролот на холандската нискобуџетна авиокомпанија за медиумите потврди дека фотографијата испратена до други патници е протолкувана како можна закана за бомба, и потенцијална најава што би можело да се случи со патниците на самиот лет доколку авионот полета.
Екипажот барал кој и да ги испрати фотографиите да го напушти авионот, но младиот човек не сакал да стане додека капетанот не објавил дека авионот нема да полета додека не се најде виновникот.
Полицијата го извела младиот човек од авионот и за се е изведен на суд.
Тој тврди дека нема лоша намера, туку сакак да се пошегува со патниците.
Утврдено е дека се работи за психички стабилна личност, а авионот полетал од Ротердам со околу 40 минути доцнење до аеродромот во Задар.
