Метеоролозите велат дека источната провинција Жеџијанг, област со многу фабрики, го соборила својот претходен топлотен рекорд оваа година, кога топлотниот бран. 31 ден по ред температурата била над 35С, а 16 дена над 38С.
Покрај градот и провинцијата Чонгкинг, каде денеска се забележани и до 42,1 степени Целзиусови, температурите надминаа 35 Целзиусови степени и во провинциите и регионите Хубеи, Хунан, Шандонг, Анхуи, Ксинџијанг, Џиангкси и Фуџијан.
Се чини дека бурата со грмотевици го спаси Шангај од денешните 40,9 степени Целзиусови, но и покрај тоа, повеќето од 25-те милиони жители на кинескиот економски центар се пожалија на здравствени проблеми поради топлотниот бран.
„Ова е како да сте на параброд, навистина е жешко“, вели 70-годишниот жител на Шангај Шен Фенгминг. „Не мора да се движите надвор за добро да се испотите.
Хуанг Ји, 45-годишен маж вработен во пристаништето кој работи со контејнери, рече дека поминал само еден час надвор на работа, но неговата облека била целосно влажна. Тој додава дека, споредено со минатите години, температурата годинава е невообичаено висока.
Денеска Шангајската метеоролошка опсерваторија известила дека градот 40 дена годинава забележал температура повисока од 40 Целзиусови степени, а врвот е достигнат денеска – дури 40,9 степени.
Минатата недела кинеската метеоролошка управа предупреди дека просечните температури во земјата се зголемиле многу побрзо од глобалниот просек во изминатите 70 години и ќе останат „значително повисоки“ во иднина поради климатските промени.
Невообичаено високи температури го зафатија и поголемиот дел од Европа. Франција, Шпанија и Португалија се опустошени од големи шумски пожари, а делови од Англија оваа година се соочуваат со голема суша. Серијата топлотни бранови ги потврдуваат предупредувањата на научниците дека светот се соочува со последиците од климатските промени.
