Таа е со големина на фудбалско игралиште. Пумпите се опишани како „пумпи на стероиди“, а можат да се пофалат и со најголемиот „мини“ маркет во светот. Бензинската пумпа на „Buc-ee`s“ е создадена и дизајнирана за потребите на американската држава Тексас, која е мрежна со повеќе од 5.000 километри автопати, повеќе од кој било друг дел на САД.
„Buc-ee’s“ се наоѓа во градот Бастроп во Тексас и се простира на неверојатни 5.202 квадратни метри. Во рамките на бензинската пумпа има дури 71 тоалет, 96 прегради за полнење гориво и 655 паркинг места. Поради се ова е туристичка атракција сама по себе.
Немојте да се изненадите ако видите Тексашани во нивните кошули – тие се многу горди. И немојте да бидете изненадени од типичните американски големини. Шишињата со газирани пијалоци доаѓаат во сите можни комбинации, па за само 79 центи можете да наполните сад со големина на човечка глава со Кока-Кола.
Друга бензинска пумпа во Њу Браунфелс, во близина на Сан Антонио, моментално го држи рекордот за најголем мини-маркет во светот. Имено, покрај 60 прегради за полнење гориво и дури 1.000 паркинг места, пронајден е простор и за продавница на површина од 6.224 метри квадратни.
Тука е и најголемата перална за автомобили во светот, долга 77 метри.
Големината на овие бензински пумпи ги инспирираше Јутјуберите Кара и Нејт да поминат 24 часа на бензинската пумпа и да направат видео за тоа.
Тие заклучија дека „Buc-ee’s“ изградиле култ во Тексас бидејќи немало некој што не бил таму. Тие станаа свет за себе: нудат свој бренд на слатки, хамбургери, кафе, па дури и облека.
