На социјалните мрежи се појавила снимка за "срцев удар".
Имено, на снимката се гледа патнички авион на компанијата "WizzAir" како прелетува на само неколку метри над главите на туристите и слетува на аеродромот на Скијатос.
На снимката се гледаат луѓе како збунето гледаат во авионот кој се доближува се пониско и пониско. Еден набљудувач дури и почнува да се оддалечува од патот во очекување на ниско слетување.
Други се слушаат како изненадено викаат поради буката на моторот додека розово-белиот авион се спушта на само неколку метри над главите на набљудувачите.
Авионот безбедно слетал и никој не е повреден. Бидејќи аеродромската писта на Скијатос е релативно кратка, пилотите мораат да и приоѓаат максимално ниско за да сопрат на време. Околу аеродромот постојат предупредувања дека приодот е забранет, но луѓето, како што се гледа и на снимката, во главно ги игнорираат.