Нападот на Русија врз Украина ја принуди Германија да ја преиспита зависноста од руската енергија, изјави германскиот министер за економија Роберт Хабек.
Тој ги повика населението и стопанството да дадат свој придонес во тоа со итна заштеда на енергија.
„Ги започнавме сите лостови за да станеме понезависни и да се подготвиме за следната зима“, изјави Хабек за „Функе“, пренсе Ваз.де
„Се обидуваме брзо да најдеме други извори за снабдување со гас и да изградиме инфраструктура за тоа… Но, штедењето е најпристапниот и најефикасен придонес за отфрлање на зависноста“, рече тој.
Според него, помалата потрошувачка ќе го намали притисокот врз цената на и онака „ужасно скапото фосилно гориво“.
„Тој притисок е огромен, особено врз семејствата со помали примања, но ја оптоварува и економијата“, додаде Хабек.
Тој најави дека Владата „интензивно работи“ на мерки за подобрување на енергетската ефикасност на земјата, вклучително и стимулации и субвенции.
„Задачата сега е заштедата и префрлањето на обновливите извори на енергија сега. Заедничка национална цел на политичарите, индустриите, компаниите и потрошувачите е да помогнат и да успеат“, рече Хабек. „Тој што штеди енергија ја зајакнува државата и го спасува својот паричник“.
