Вака изгледала ЕВРОВИЗИЈА во 1956: Најдена одамна загубена снимка! (Видео)

12.05.2022
vesnik-fb-blue
vesnik-twitter-blue
Вака изгледала ЕВРОВИЗИЈА во 1956: Најдена одамна загубена снимка! (Видео)

Евровизија е специфична и по тоа што од првата организација до денес секогаш се емитувала на телевизија и се снимала. Сепак, снимките од две Евровизии денеска не постојат!

Првата изгубена Евровизија

Првата Евровизија се одржала во 1956 година во Лугано, Швајцарија. Бидејќи тоа беше време кога само мал број Европејци имаа телевизија, таа се пренесуваше главно преку радиостаници. Меѓутоа, бидејќи имаше телевизиски сигнал, тој беше снимен и емитуван за малкумината што имаа телевизори.

Сепак, ова видео денес се смета за изгубено. Се претпоставува дека тоа се случило токму поради тоа што Евровизија првенствено се снимала за радио. Преживеала аудио снимката од натпреварот. Дури неколку децении подоцна се појави видео од повторната изведба на победничката песна, снимено од фотографот Винченцо Викари, а ова е единствената копија од првата Евровизија досега пронајдена.

 

 

 

Уште една изгубена Евровизија

Изгубена е и „Евровизија 9“, т.е. натпревар одржан во 1964 година во Копенхаген, Данска, иако, мора да се признае, од сосема различни причини.

Тоа било првпат натпреварувањето да го организира нордиска земја. Учествувале 16 земји, а дебитант била Португалија. За прв пат победила Италија, а натпреварот е познат и по тоа што Југославија прв и единствен пат имала 0 бодови. Претставник беше Сабахудин Курт со песната „Животот направи круг“.

Како се изгубила снимката? Снимката постоела, но била уништена во пожар во зградата на данска телевизија во текот на 70-тите. Ниту еден друг радиодифузер не ја снимил целата програма. Единствените зачувани снимки се делови од поединечни песни, реизведба на победничката песна, како и аудио снимка од натпреварот.

 

© vesnik.com, правата за текстот се на редакцијата