Потребите од течен природен гас во светот растат, покажаат истражувањата, па поради што и водечките земји на листата на земји најбогати со овие фосилни горива ќе го зголемат производството.
По нуклеарната катастрофа во Фукушима, потребата на Јапонија за купување течен природен гас е зголемена и таа е најголемиот поединечен светски купувач на овој гас. Денеска откупува 3,3 трилиони кубни метри, а се очекува до 2035 година да откупи и до 5 трилиони.
Потребите за гас растат низ целата планета, не само во Јапонија. Затоа земјите со најмногу гас го зголемуваат производството, а извештајот на Меѓународната агенција за енергетика покажа дека, на пример, Русија ќе го зголеми производството дури трипати за да ги задоволи сите потреби во 2035 година.
Според податоците објавени во Cia’s Book of World Facts, ова се земјите со најголем потенцијал кога станува збор за природниот гас:
10.Алжир
Оваа земја има потенцијал од 4,5 трилиони кубни метри гас. Алжир во моментов има 2,37 отсто од резервите на природен гас и го зазема десеттото место според своите капацитети.
9.Венецуела
Венецуела има речиси пет трилиони кубни метри природен гас и сега сочинува 2,62 отсто од светските резерви.
8.Нигерија
Оваа африканска земја располага со 5,25 трилиони кубни метри гас и моментално сочинува околу три отсто од докажаните резерви на природен гас.
7.Обединети Арапски Емирати
Иако се чини дека земјата има повеќе гас, Обединетите Арапски Емирати во моментов сочинуваат 3,19 отсто од резервите на природен гас од нивните шест трилиони кубни метри.
6.Соединетите Американски Држави
Соединетите Американски Држави не се само голем потрошувач, туку и производител на гас. Земјата има 6,93 трилиони кубни метри природен гас, што е 3,64 отсто од резервите.
5.Саудиска Арабија
Саудиска Арабија има 7,46 трилиони кубни метри гас и сочинува речиси четири отсто од светските резерви.
4.Туркменистан
Туркменистан има малку повеќе гас и со 7,5 милијарди сочинува 3,95 отсто од докажаните резерви на природен гас.
3.Катар
Далеку пред претходните земји е Катар, кој има докажани резерви од 25,47 трилиони кубни метри гас. Така, оваа земја зазема речиси 13,5 отсто од вкупните резерви на гас.
2.Иран
Иран има речиси 30 трилиони кубни метри природен гас. Оваа земја сочинува дури 15,57 отсто од докажаните резерви.
1.Русија
Русија е ненадмината кога се во прашање количините на природен гас. Оваа земја има најмногу природни резерви – дури 47,57 трилиони кубни метри, така што Русија сочинува повеќе од 25 отсто од светските резерви на природен гас.
nationalgeographic.rs
