Поранешниот професионален фудбалер Роналдо (42) ужива деновиве со својата девојка Селин Лок на одмор на шпанскиот остров Форментера. Таму тој ги изненади насобраните фоторепортери, како и обожавателите со својот непрепознатлив изглед. Годините пауза од спортот, активностите и секојдневните тренинзи го сторија своето.
Бразилецот со белата кошула уште повеќе ги истакна насобраните килограми, а и косата му е долга.
Селин Лок, со која пензионираниот фудбалер е во последните четири години, изгледаше беспрекорно. Младата моделка носеше ленен комплет, скапоцени кожени влечки и дизајнерска чанта.
Роналдо се прости од кариерата во 2011 година по сензационалните успеси што ги постигна со својот тим, како и со својата репрезентација. Дури три пати беше именуван за најдобар фудбалер во светот по избор на ФИФА.
извор: Makfax