Realme е голем љубител на Dimensity чипсетите на MediaTek, посебно кога создава достапни 5G уреди. Минатата година го лансираше првиот телефон со Dimensity 810 чип, како и првиот смартфон со Dimensity 1200 чипсет. Следно на листата е лансирањето на првиот телефон Dimensity 920 во Европа.
Ова е дел од она што се нарекува стратегија „Сè во 5G“, која ќе започне со лансирањето на претстојната Realme 9 серија. Првиот телефон со Dimensity 920 е Realme 9 Pro+.
Dimensity 920 чипот е произведен на 6 nm јазол на TSMC и има две јадра Cortex-A78 (2,5 GHz) и шест A55 јадра (2,0 GHz), плус Mali-G68 MC4 графички процесор и 5G модем (под-6 GHz). Поддржува 1080p+ дисплеи до стапка на освежување до120 Hz и треба да обезбеди 9 проценти подобри гејминг перформанси од Dimensity 900.
Во однос на стратегијата, планот е едноставен – да се донесат достапни 5G телефони во Европа за да се продолжи поттикнувањето и онака импресивниот раст. Еве графикон што го покажува растот на Realme во неколку европски земји минатата година во споредба со 2020 година.
Самиот Pro+ сигурно нема да пристигне сам, но компанијата исто така ќе лансира Realme 9 Pro. Не е познато кој чипсет ќе се користи за овој телефон, но раните информации сугерираат дека тоа ќе биде Snapdragon 695, уште еден 6 nm чип (TSMC) со две Cortex-A78 јадра (2,2 GHz), графички процесор и дрјавер на екранот за 1080p+ 120 Hz дисплеи и 5G модем (под 6 GHz).
Не слушнавме ништо официјално за тоа дека стандардниот Realme 9 5G доаѓа во Европа, па засега ќе има само два Pro модели.
